Reseña

Mejiko mamlotoosataka juebenak kaa nanau machik yoo’ayuriak, si’ime puepplo jomiam belleekatana am im jippuek, che’a bat naataka am uju’uk si’ime weweepul pueplom belleekatana pa’alabato’orapo, yoo’ayuriapo, ekonomikopo into che’a tattabwisia jum tu’uwabo’oriampo iancha taapo weeriammak am tamachiateko. Etee beje’ewata te jipuek bwe’ituk juebenaka puepplo jomiam te jippuek che’a bat naataka im jojjoasukame into ke’esam Mejikota tomteo juni’i. Junama bwiam nasuku bempo a yechak jaisa emo uju’une jume bempoim pa’alabato’ora, bempoim tu’uwabo’oria, yuu joowamem, teobo’om into bempoim nooki.
Juebena puepplom joomeme benasi, jume jiakim bwia toosa ket bem ta’e lutu’uria into bempoim bwiara pa’ariat yoemiam a waata betana nassuak; ju siklo woj mamni ama batanipo naateka jume kimubaeme siokmabetak, jume bempoim lutu’uriam jinne’ukai.
Junue Mechabilita bo’o maasu jiakim betana jakko etejori.